12) Parche ó galego de Arcana (1992) para SNES

  Este é un parche de tradución ó galego para o xogo de SNES "Arcana".

    O lanzamento orixinal da versión 1.0 deste parche de tradución fíxose o 24 de maio de 2024. Podedes ver como foi a evolución deste proxecto neste fío.

    Podedes descarga-la última versión dispoñible nesta ligazón (versión 1.0, Romhacking.net) e tamén nesta outra (versión 1.0, Drive do proxecto)

    A ROM para a que está pensada este parche é:

        ♥ Arcana (USA)

        ♥ CRC32: 75C463CD

 

    Listaxe de trocos feitos:

 

-- Versión 1.0 (24-05-2024) --

    ♣ Intro do xogo
    ♣ Menú de inicio
    ♣ Inclusión de grafías de vogais con til, diérese (ü e ï) e o "ñ".
    ♣ Banco de sons
    ♣ Historia
    ♣ Nomes e descricións de inimigos, útiles, maxias, etc.
    ♣ Menús e textos de personaxes
    ♣ Créditos (todo o equipo orixinal respectado)
    ♣ Recoñecemento polo parche ó galego (cara o final dos créditos)
    ♣ Recoñecemento a Sarah e Lukas pola axuda no seu día (no final dos créditos)
    ♣ Todo o traducible que atopei, a fin de contas.

 

-- Trocos adicionais non atinentes á tradución --

    ♣ O parche "FastROM" (o xogo vai algo máis rápido cando moves polos alxubes) de Sarah Shinespark está aplicado de serie, polo que non é preciso instalalo.
    ♣ O parche "Title Register Reset" (amáñase un error gráfico que se produce cando es derrotado pola xefa final) de Sarah Shinespark está aplicado de serie, polo que non é preciso instalalo.

    ♣ Lendo o código do parche "3 digit bonus fix" (amáñase un error gráfico que se produce cando a nivel 60 gañas máis de 99 puntos de estatística) de Sarah Shinespark, fixen a man os cambios pertinentes na versión en galego e obtense o mesmo resultado sen termos que ter un parche específico para este idioma.

    ♣ Existe unha clave para poder comeza-lo xogo en calquera dos 5 episodios; agora, ó inseri-la clave para comezar no derradeiro episodio comezar con nivel 50 (en troques no nivel 40 no que comezabas) e te-las estatísticas arredor de +40/+60 máis altas en tódolos aspectos, ademais de contar con máis diñeiro para mercar armas para Teefa.

    Non vos trabuquedes, a batalla final segue sendo MOI demandante (nivel 50 e esas estatísticas son o mínimo que deberías ter para sobrevivila, se sabes o que estás facendo e tes sorte esquivando ataques), pero xa non tes que estar granxeando ata chegar a ese mínimo, aforrando varias horas de xogo e de saúde mental.

    Este reaxuste das estatísticas a partires da clave está pensado para quen queira disfrutar do final do xogo sen ter que pasar obligatoriamente por moito sufrimento. A súa valía está en que non é algo obligatorio, senon un extra para quen queira usa-la clave para ir ó derradeiro capítulo do xogo. Se con este amaño consideras que o final vólvese moi doado entón a solución é moi sinxela: non insira-lo código e pasa o xogo como foi intencionado e sen claves.

    Que queda por facer? (24-05-2024)

    ♠ Os gráficos do "THE END" final, imposible de trocar polo de agora por non terse descifrada a rutina de descompresión.

    ♠ Crear un parche que faga que a canción do final do xogo vaia un 16.6% máis lenta, facendo que se poida desfrutar da melodía final do xogo en consola PAL de maneira satisfactoria.

 

    Calquera actualización será debidamente rexistrada neste artigo.

    Un saúdo.

(Última edición do artigo o 24 de maio de 2024)